საქართველოში გერმანიის ფედერაციული რესპუბლიკის ელჩის, ორთვინ ჰენიგის რეზიდენციაში DAAD-ის კონკურსში გამარჯვებულებს DAAD-ის სტიპენდიები საზეიმო ვითარებაში გადაეცათ.
2014-1015 სასწავლო წლისთვის სტიპენდია 87-მა ქართველმა სტუდენტმა, დოქტორანტმა და უმაღლესი სასწავლებლის პედაგოგმა მოიპოვა, რომლებიც მომდევნო თვეების განმავლობაში გერმანიის უნივერსიტეტებსა და კვლევით ინსტიტუტებში სწავლისა და კვლევის მიზნბით გაემგზავრებიან და გაიზიარებენ გერმანელი მეცნიერების გამოცდილებას.
ღონისძიებას საქართველოს საგარეო საქმეთა მინისტრი მაია ფანჯიკიძე დაესწრო.
გამარჯვებულებსა და მოწვეულ სტუმრებს სიტყვით ორთვინ ჰენიგმა და მაია ფანჯიკიძემ მიმართეს.
„ძალიან მოხარული ვარ, რომ წინა წლებთან შედარებით სტიპენდიანტების რაოდენობამ საგრძნობლად მოიმატა. მინდა გითხრათ რომ თქვენ მიემგზავრებით გერმანიაში ახალი გამოცდილებისა და განათლების შესაძენად, მაგრამ აქვე აღვნიშნავ, რომ გერმაიასა და გერმანელებსაც უამრავი რამის სწავლა შეუძლია საქართველოსგან. DAAD-ის პროგრამა წლიდან-წლამდე უამრავ ადამიანს აძლევს საშუალებას მიიღონ განათლება გერმანიის ინსტიტუტებში და ეს ჩვენი ორი ქვეყნის მჭიდრო ურთიერთობების დასტურიცაა" - განაცხადა სიტყვით გამოსვლისას ორთვინ ჰეიგმა.
„DAAD-ის სტიპენდიით სარგებლობა და გერმანიაშ სწავლა დიდი გამოცდილების მომტანი იქნება თქვენთვის. ძალიან მიხარია რომ გერმანული ენა და კულტურა ასეთი პოპულაროიბით სარგებლობს ჩვენს ქვეყანაში. მეც თავის დროზე ერთერთი სტიპენდიანტი გახლით ამ პროგრამისა და უნდა აღვნიშნო რომ გერმანიაში სწავლის პერიოდმა დიდად განსაზღვრა ჩემი ცხოვრება, გისურვებთ წარმატებას" - დასძინა მინისტრმა მაია ფანჯიკიძემ
DAAD - ი წარმოადგენს გერმანიის აკადემიური გაცვლის სამსახურს, რომელიც გერმანიის უნივერსიტეტებს აერთიანებს და მიზნად ისახავს სამეცნიერო ურთიერთობების ინტერნაციონალიზაციას. ის სტუდენტებზე და მეცნიერებზე როგორც ქვეყნის შიგნით ისე ქვეყნის გარეთ ყოველწლიურად გასცემს სტიპენდიებს. DAAD - ი მსოფლიო მასშტაბით უდიდესი აკადემიური გაცვლით ორგანიზაციას წარმოადგენს და წლიურად 75.00 სტიპენდიანტს ითვლის.
მასალის გამოყენების პირობები
