,,ნაცმოძრაობა" ხელისუფლების მხრიდან წინასაარჩევნო ზეწოლაზე საუბრობს. როგორც პარტიის ერთ-ერთმა ლიდერმა დავით ბაქრაძემ ჟურნალისტებთან განაცხადა ზეწოლას, რომელიც ხშირად ხორციელდება სრულიად ღიად, ვერ გაუძლო რამდენიმე კანდიდატმა და უკვე გამოეთიშა არჩევნებს.
ბაქრაძის განმარტებით, ხელისუფლების ხრიდან ზეწოლა თუ კვლავ გაგრძელდება აღნიშნული საფრთხეს შეუქმნის ადგილობრივი თვითმმართველობის არჩევნების სამართლიან და კონკურენტულ გარემოში ჩატარებას.
,,ამგვარ თავზეხელაღებულ ქმედებებზე გადასვლა ხელისუფლების სისუსტის უტყუარი გამოვლინებაა. მისი გაგრძელება სერიოზულ საფრთხეს შეუქმნის 15 ივნისის ადგილობრივი თვითმმართველობის არჩევნების სამართლიან და კონკურენტულ გარემოში ჩატარებას. ზეწოლის დროს ხშირად გამოიყენება შინაგან საქმეთა სამინისტროს სახელმწიფო უშიშროების სამსახური და მასში ჩართულნი არიან უმაღლესი თანამდებობის პირები", _განაცხადა ბაქრაძემ, რომელმაც ჟურნალისტებს ის რაიონები გააცნო სადაც ზეწოლა ხორციელდება.
დღეს გვსურს საზოგადოებას მივაწოდოთ ინფორმაცია შემდეგ რაიონებში მიმდინარე ზეწოლისა და მუქარის შესახებ:ახალციხერამდენიმე დღის მანძილზე პოლიცია და სუს-ი ახორციელებდა ზეწოლას ქ. ახალციხეში მაჟორიტარობის კანდიდატ მალხაზ ივანიძეზე. ივანიძის სახლში მივიდნენ 15 პოლიციელი და სუს-ის თანამშრომლები, რომლებიც ახდენდნენ მისი ოჯახის დაშინებას. ინტენსიური ზეწოლის შედეგად 21 მაისს ივანიძემ მოხსნა კანდიდატურა. ადიგენი _ინტენსიური ზეწოლის შედეგად, რომელსაც ახორციელებდა სამცხე-ჯავახეთის გუბერნატორის მოადგილე ავთანდილ კაჭკაჭიშვილი, ადიგენის მუნიციპალიტეტის სოფ. უდეს მაჟორიტარობის კანდიდატმა რამაზ მერაბიშვილმა 22 მაისს მოხსნა კანდიდატურა. მარნეული_კანდიდატურის მოხსნის მიზნით, მიმდინარეობს აქტიური ზეწოლა „ერთიანი ნაციონალური მოძრაობის" კანდიდატზე მარნეულის მუნიციპალიტეტის გამგებლის თანამდებობაზე ახმედ იმამყულიევზე, რომელსაც გამარჯვების დიდი შანსი აქვს. ზეწოლაში ჩართულნი არიან ცენტრალური ხელისუფლების და შინაგან საქმეთა სამინისტროს მაღალჩინოსნები.გარდაბანი_მიმდინარეობს ზეწოლა ქ. გარდაბანში მაჟორიტარობის კანდიდატ სამირ სადიკოვზე, რათა მან მოხსნას საკუთარი კანდიდატურა. ზეწოლა მიმდინარეობს ქვემო ქართლის სამხარეო პოლიციის უფროსის ლევან კვიციანი დავალებით.ლენტეხი_კანდიდატურის მოხსნის მიზნით, მიმდინარეობს ზეწოლა მე-3 ოლქში მაჟორიტარობის კანდიატ იულონ ტვილდიანზე. წალკა_მიმდინარეობს ზეწოლა სარვანის თემის მაჟორიტარობის კანდიდატ გულარა მამედოვასა და დარაკოვის თემის მაჟორიტარობის კანდიდატ ლეონ მიქაელიანზე. მიქაელიანზე ზეწოლა განახორციელა მოქმედმა რწმუნებულმა. დედოფლისწყარო_მიმდინარეობს ზეწოლა დედოფლისწყაროს მუნიციპალიტეტის გამგებლობის კანდიდატ ემზარ ჯანაშვილზე მისი კანდიდატურის მოხსნის იძულების მიზნით. მას დაემუქრნენ ოჯახის წევრთა სამსახურიდან გაშვებით. ასევე მიმდინარეობს ზეწოლა სოფ. სამთაწყაროს მაჟორიტარობის კანდიდატ პაატა ნადირაშვილზე, და სოფ. არბოშიკის მაჟორიტარობის კანდიდატ ლევან ბაღაშვილზე. მნიშვნელოვანია რომ დედოფლისწყაროს მუნიციპალიტეტში ზეწოლას კოორდინაციას უწევს პარლამენტის წევრი და პრემიერ-მინისტრის ირაკლი ღარიბაშვილის ცოლის ძმა ლექსო თამაზაშვილი. ზეწოლის მიზანია მოცემულ რაიონში პოლიტიკური ველის მთლიანად მოსუფთავება და „ქართული ოცნების" მიერ სრული უზურპაცია", _განაცხადა ბაქრაძემ.
