,,ერთიანი ნაციონალური მოძრაობა" სასჯელაღსრულების დეპარტამენტის უკვე ყოფილი უფროსის დიმიტრი დარბაისელი თანამდებობიდან გადადგომას ეხმიანება. როგორც ,,ნაცმოძრაობის" მედია მდივანმა ირმა ნადირაშვილმა განაცხადა ეს არის ,,ნაცმოძრაობისა" და საზოგადოების ერთობლივი გამარჯვება.
,,ჩვენ ვთვლით, რომ ეს არის საზოგადოებისა და ,,ერთიანი ნაციონალური მოძრაობის" ერთობლივი გამარჯვება, რადგან პრემიები გაცემული იყო ხუთი თვის წინ. დარწმუნებული ვარ, ამისსEსაქმის კურსში იყოს მინისტრი და თავად პრემიერ-მინისტრიც, მაგრამ სანამ ჩვენ არ გავასაჯაროვებთ ეს ასტრონომიული ციფრები მანამდე ეს არავის გაუპროტესტებია. ყველანი ცხოვრობდნენ ბედნიერად. უბრალოდ მათ დისკონფორტი შეექმნათ ამ ციფრების გასაჯაროვებისა და საზოგადოების მწვავე რეაქციის შემდეგ. ამიტომ მიგვაჩნია, რომ ჩვენის მხრიდან ასეთი მონიტორინგი გამართლებულია", _განაცხადა ნადირაშვილმა.
მისივე განმარტებით, დარბაისელს მისი გადაწყვეტილება თანამდებობიდან წასვლის შესახებ ვერ გაათავისულებს იმ პასუხისმგებლობისგან რასაც მაღალი პრემიების გაცემა ჰქვია. ნადირაშვილის შეფასებით, ეს არის კორუფციული ფაქტი.
