პარლამენეტის თავმჯდომარე დავით უსუფაშვილი საზოგადოებას მოუწოდებს, საკანონმდებლო ცვლილებებს პასუხისმგებლობით მოეკიდონ. ამის შესახებ, უსუფაშვილმა ვენეციის კომისიის წევრებთან შეხვედრის შემდეგ განაცხადა, სადაც ერთ-ერთი განსახილველი საკითხი დაგეგმილი საკონსტიტუციო ცვლილებები იყო.
,, ჩვენ ჩვენი ქვეყნის, ჩვენი სახელმწიფოს საძირკვლის, ფუნდამენტის გამაგრებაზე ვმუშაობთ. ამიტომ ყველას ვთხოვ პოლიტიკოსებსაც, ჟურნალისტებსაც, ექსპერტებსაც, ამ თემას ცოტა ყურადღებით და პასუხისმგებლობით მოეკიდონ და თითოეული ნათქვამი სიტყვა, თუ დასმული კითხვა, საკონსტიტუციო კომისიის მუშაობის დროს, ნუ იქნება უსაგნოდ და უსაფუძვლოდ პოლიტიზებული და გადაყვანილი პოლიტიკური თუ პიროვნული დაპირისპირების ჭრილში. ჩვენ ჩვენი სახელმწიფოს ფუნდამენტს ვქმნით", - განაცხადა დავით უსუფაშვილმა.
