ყაზბეგის მუნიციპალიტეტში, ისტორიული მყინვარული ღვარცოფის გააქტიურების შედეგად ჩამოწვა მეწყერი, რომელმაც გადაკეტა თერგის ხეობა, ჩახერგა გზა და სატრანსპორტო კავშირს მოწყვიტა რუსეთ-საქართველოს სასაზღვრო მონაკვეთი.
პრემიერ მინისტრის დავალებით შეიქმნა საგანგებო შტაბი და სტიქიის ზონაში პირველადი ღონისძიებების სახით დაიგეგმა დაგუბებული ტბისა და ღვარცოფული მასისაგან გაწმენდის სამუშაოები; ჩატარდა ღვარცოფული კერის პირველადი კვლევა; შემუშავდა ერთიანი დეტალური სამოქმედო გეგმა და შეფასდა შესაძლო რისკები. ამჟამად გრძელდება კვლევითი და გაწმენდითი სამუშაოები.
საგანგებო რეჟიმში მიმდინარეობს ყველა საჭირო სამუშაო და სისტემატიურად ხდება პრემიერ მინისტრის ინფორმირება არსებული მდგომარეობის შესახებ. განსაკუთრებული ყურადღება ექცევა მონიტორინგს, რათა ამინდის გაუარესების შემთხვევაში მიღებულ იქნას სათანადო ზომები.
