ფარულ მოსმენებთან დაკავშირებულ კანონპროექტს დღეს პარლამენტი პირველი მოსმენით უყრის კენჭს.
ცვლილებებს "ოპერატიულ-სამძებრო ღონისძიებების შესახებ" კანონში, ბოლო დღეების განმავლობაში დეპუტატები არასამთავრობოებთან ერთად განიხილავდნენ.
პარლამენტის დღევანდელ პლენარულ სხდომაზე დღეს კანონპროექტის იმ ვარიანტზე იმსჯელებენ, რომელსაც გუშინ იურიდიულ საკითხთა კომიტეტმა დაუჭირა მხარი.
ცვლილებების თანახმად, იზრდება პერსონალულ მონაცემთა დაცვის ინსპექტორის უფლებამოსილება და მას, მთავრობის ნაცვლად პარლამენტი დანიშნავს. ამასთან, კანონში მკაცრად გაიწერება ის რეგულაციები და კრიტერიუმები, თუ რის მიხედვით უნდა მოხდეს ფარული თვალთვალისა და მიყურადების განხორციელება. ბოლომდე შესაჯერებული რჩება ერთი საკითხი, თუ ვის ხელში იქნება სატელეფონო მოსმენების ტეანიკური ჩაწერის გასაღები. ბოლოს დამტკიცებული ვარიანტის მიხედვით, ეს გასაღები, ჯერჯერობით, რჩება შინაგან საქმეთა სამინისტროს ხელში, ისევე როგორც, ეს იყო აქამდე. მხოლოდ ეს იქნება 1 ნოემბრამდე, ვიდრე სპეციალური საერთასორისო ექსპერტებისგან შექმნილი კომისია ამ თემაზე მსჯელობას დაასრულებს.
პრინციპულ საკითხად ისევ რჩება პერსონალურ მონაცემებზე სამართალდამცავი სტრუქტურების წვდომის შეზღუდვა.
ოპერატიულ-სამძებრო ღონისძიებების შესახებ კანონპროექტის მიხედვით, პროკურატურას ეკისრება ვალდებულება - პირს უკვე განხორციელებული მოსმენის შესახებ გარკვეულ ვადებში აცნობოს.
მასალის გამოყენების პირობები
