"არასაპარლამენტო ოპოზიცია" ვეძისის ოლქში ალექსანდრე ელისაშვილის კანდიდატურას უჭერს მხარს.
"არასაპარლამენტო ოპოზიციის" განცხადების თანახმად, ალექსანდრე ელისაშვილმა პატიოსნება და თბილისის მიმართ სიყვარული დაამტკიცა როგორც ჟურნალისტური მოღვაწეობით, ასევე სამოქალაქო აქტივობით.
"არასაპარლამენტო ოპოზიციისთვის" პირველ ადგილას არ დგას ვიწრო პარტიული ინტერესები და ჩვენი მიზანი არ არის მხოლოდ ბლოკის წევრი პირების გასვლა საკრებულოში, არამედ ჩვენ გვსურს თბილისის წარმომადგენლობით ორგანოში ვიხილოთ ისეთი ადამიანები, რომლთა კეთილსინდისიერებაც ეჭვს არ იწვევს, -ნათქვამია განცხადებაში.
ჟურნალისტი ალექსანდრე ელისაშვილი ვეძისის მაჟორიტარულ ოლქში დამოუკიდებელ კანდიდატად იყრის კენჭს.
