დღეს, 15 მაისს, 18:00 საათზე, ლისი დეველოპმენტი ახალი პროექტის სანერგე ‘ლისი
გრინსი'-ს პრეზენტაციას გამართავს. ‘ლისიგრინსი' ლისის ტბის მიმდებარედ ამერიკულ აკადემიასთან მდებარეობს.
"ლისი დეველოპმენტი" ეკოლოგიაზე და მდგრად განვითარებაზე ორიენტირებული
კომპანიაა. გარემოზე ზრუნვა კომპანიის ერთ-ერთი მთავარი პრინციპია. შესაბამისად, იგი აქტიურადაა ჩართული გარემოს გამწვანებასა და მდგრად განვითარებაში. ამას ადასტურებს გარემოს დაცვის სამინისტროს კონკურსში გამარჯვებაც, სადაც ლისი დეველოპმენტმა ნომინაციაში ‘'მწვანე ხედვა''გაიმარჯვა. ამ პრინციპებზე დაყრდნობით კომპანიამ პროექტი ‘ლისი გრინსი'-ს განხორციელება გადაწყვიტა.
სანერგე ‘ლისი გრინსი' გამოირჩევა განსაკუთრებით ხარისხიანი მცენარეების ფართო
ასორტიმენტით ექსკლუზიურად იტალიიდან: მარადმწვანე და ფოთოლმცვენი მოყვავილე ხეები და ბუჩქები, იშვიათი ჯიშის ხილის ხეები, იაპონური ნეკერჩხალი, ლიანების, ბონსაის, ვარდებისა და ღვიების კოლექციები. აღნიშნული მცენარეები გამიზნულია სხვადასხვა ტიპის ინტერიერის, ლანდშაფტური და
ექსტერიერის გამწვანებისთვის.
კომპანია გეგმავს პროდუქციის საბითუმო და საცალო რეალიზაციას.
‘ლისი გრინსი'-ს პარტნიორია ცნობილი იტალიური კომპანია Innocenti & Mangoni Piante, რომელიც 1950 წლიდან წარმატებით ასპარეზობს სანერგე ინდუსტრიაში და ყიდის 11,000 სახეობის დეკორატიულ მცენარეებს მსოფლიოს 50ზე მეტ ქვეყანაში.
