დეპუტატ გივი თარგამაძის განცხადებას საპარლამენტო უმრავლესობის ლიდერი გია ვოლსკი გამოეხმაურა.
მისი თქმით, გარკვეული პერიოდის განმავლობაში, ის მართლაც იყო ცეკას ინსტრუქტორი, თუმცა ქვეყნის უსაფრთხოებისთვის პრობლემები არასოდეს შეუქმნია.
"ჩემს ბიოგრაფიაში იყო ისეთი ეპიზოდი, როცა ცეკას ინსტრუქტორი ვიყავი, მაგრამ ადამიანებისთვის სული არ ამომოხდია და ხელჯოხით არავინ გამიუპატიურებია.. არ ვხელმძღვანელობდი ტერორს და ისეთ საქმიანობას, რომელმაც ქვეყნის ინტერესები დააზიანა მნიშვნელოვნად. ასე, რომ პიროვნული დაპირისპირებები და შეპასუხებები წინასაარჩევნო პერიოდისთვის არის დამახასიათებელი", - განაცხადა ვოლსკიმ.
ოპოზიციონერმა დეპუტატმა გივი თარგამაძემ გია ვოლსკი დღეს პარლამენტში ჩატარებულ ბრიფინგზე ანტიდასავლური ძალების იდეების გამტარებლად მოიხსენია.
