საპარლამენტო უმცირესობის წევრი ნუგზარ წილკაური რუსეთის მიერ ოკუპირებული ტერიტორიის მიმდებარე სოფლებიდან სააქართველოს მოქალაქეების გახშირებული გატაცებების გამო, ქვეყნის ხელისუფლებას უპასუხისმგებლობასა და უმოქმედობაში ადანაშაულებს.
როგორც წიკლაურმა პარლამენტის დღევანდელ პლენარულ სხდომაზე განაცხადა, რუსეთთან დეკლარირებული ნორმალიზების ფონზე, საქართველოს ხელისუფლება არაფერს აკეთებს, რათა საკუთარი მოქალაქეები გატაცებისა და შეურაცხყოფისგან დაიცვას.
"მნიშვნელოვანია, რომ ეს ხდება საჩხერეში, რომელიც ხელისუფლების მხრიდან "ქართული ოცნების" განსხეულებულ მაგალითად იყო წარმოდგენილი და ხშირად გაგვიგია, რომ მთელი საქართველო საჩხერეს დაემსგავსება. მინდა ვიკითხო, თუ ასეთი ბედნიერი ცხოვრებაა საჩხერეში, 1 ლარიანი ჯონჯოლის საკრეფად ასობით ადამიანი ყოველ დილას რატომ მიდის ტყეში და საკუთარ სიცოცხლეს საფრთხეს რატომ უქმნის, რათა ლუკმა-პური იშოვნოს. იმის ნაცვლად, რომ ხელისუფლებას ეთქვა, რომ ეს მართლა სერიოზული პრობლემაა, ადგილი ქონდა გადაბრალებას, თითქოს მიხეილ საკააშვილის ხელისუფლების უაპასუხისმგებლო პროვოკაციული ქმედებების შედეგედ დაიწყო ომი და ახლა საჩხერელი მოქალაქეები ამიტომ მიდიან ჯონჯოლის საკრეფად და ოკუპანტები ამიტომ იჭერენ. ზოგადად, ჯონჯოლი იქცა ლოკალური მასშტაბის ეროვნულ ტრაგედიად საქართველოსთვის და კარგად მეტყველებს, როგორ შეასრულა ხელისუფლებამ თავისი დაპირება," -განაცხადა პარლამენტარმა და დასძინა, რომ ქვეყანაში ქვეყნის სახელმწიფო ინსტიტუტები არის დეგრადირებული.
ნუგზარ წიკლაურის საპასუხოდ, პარლამენტის ვიცე-სპიკერმა მანანა კობახიძემ პარლამენტის პლენარულ სხდომაზე განახადა, რომ ყველა ის პირი, ვინც ე.წ. ოკუპაციის ხაზს მიღმა იყო გადაყვანილი და დაკავებული, უკვე თავისუფალი არიან და დღესვე დაბრუნდებიან საკუთარ სახელბში. "პრობლემა, რომელიც საქართველოს მოქალაქეების გატაცებას უკავშირდება, აღმოფხვრილია," -აღანიშნა მან.
