თუ ხელისუფლებას ეშინია, რომ ოპოზიცია უსმენს და უკანონობის აღსაკვეთად კვალიფიციური გამომძიებლები არ გააჩნია, მაშინ საინტერესოა, როგორ უზრუნეველყოფს იგი მთელი ქვეყნის უსაფრთხოებას, რომლის უდიდესმა ნაწილმაც მას ნდობის მანდატი გადასცა.
აღიშნულის თაობაზე უფლებადამცველმა ლია მუხაშავრიამ "ჯი-ეიჩ-ენ"-თან საუბრისას ტელეკომპანია "რუსთავის 2" -ის ოფისში აღმოჩენილი მოსასმენი აპარატურისა და მასთან დაკავშირებული მოვლენების შეფასებისას განაცხადა.
მუხაშავრია არ გამორიცხავს, რომ ეს ხელისუფლების მოწინააღმდეგე ოპოზიციის მხრიდან პოლიტიკური პროცესების შეფუთული სცენარი იყოს, რადგან, მისი თქმით, უკანონო მოსმენების თემაზე ბევრი რამ ცხადი არ არის.
"არ მჯერა,რომ "რუსთავი 2"-ის შენობას, რომელსაც ყავს უსაფრთხოების სამსახური, არ სცოდნოდა, სადმე ჩამონატაჟებული აპარატურის შესახებ. ვფიქრობ, შესაბამისი სამსახური უსაფრთხოების თვალსაზრისით უნდა იკვლევდეს მთელ შენობას. ამის გარდა, იქ აქვთ სხვა ტექნიკა, იგივე ვიდეო-აუდიო აპარატურა, რომელსაც ასევე ამოწმებენ და მისი მუდმივი კონტროლი მიდინარეობს. ტელეკომპანიაში ყავთ საიმისო სპეციალიტები, რომ გამოევლინათ თუკი სადმე უკანონო აპარატურა იყო დამონტაჟებული. ამიტომ, ძალიან საჭევოდ ჩანს ეს ამბავი, მაგრამ ძალიან საყურადღებოა ხელისუფლებისათვის, რადგან ბევრი ტესტი არსებობს რომელიც შეიძლება მან ვერ ჩააბაროს,"- განაცხადა "ჯი-ეიჩ-ენ"-თან საუბრისას მუხაშავრიამ.
მისი თქმით, მედიის წინააღმდეგ გამოსვლა, მედიის წინააღმდეგ უკანონობის გამოუძიებლობა, მედიისთვის რაიმეს დაბრალება, როდესაც ის ამბობს, რომ არის თავად არის უკანონობის მსხვერპლი, ძალიან საშიშია ხელისუფლებისთვის.
"ძალიან ბევრი ხაფანგია დაგებული ხელისუფლების წინააღმდეგ და ძალიან ყურადღებით უნდა იყოს, რომ რომელიმე ხაფანგში არ გაებას საერთაშორისო სამართლებრივი სტანდარტებისა და პრაქტიკის თვალსაზრისით. ვინც არ უნდა აკეთებდეს ამას, ნამდვილი მტერი, შიდა ოპოზიცია, ყოფილი ხელისუფლება თუ ამჟამინდელი ხელისუფლება მნიშვნელობა არა აქვს. ეს სახელმწიფოსთვის არის ძალიან სახიფათო პროცესი და ასეთ დროს, როცა გამოძიება ვერ არის ოპერატიული, ობიქეტური და კვალიფიკაციური, დღეს თუ ეს ამბავი რუსთავი'"-ის თავს ხდება, ხვალ მოხდება იმ მინისტრების მიმართ, რომლებიც მომავალში ამ თანამდებობაზე აღარ იქნებიან, იმიტომ, რომ იგივე ნიკა გვარამია ყოფილი პროკურორი და იუსტიციის მინისტრია",- აღნიშნა მუხაშავრიამ.
უფლებადამცველი მიიჩნევს, რომ ქვეყნაში ისეთი უსინდისო მეთოდის აღმოფხვრას, როგორიც არის უკანონო მოსმენა და დასმენა, არავინ არ უნდა სარგებლობდეს, რასაც ხელისუფლების პოლიტიკური ნება სჭირდება.
