უკრაინის საგარეო საქმეთა სამინისტრო რუსეთის პრეზიდენტის ვლადიმერ პუტინის ოკუპირებულ ყირიმსა და ქალაქ სევასტოპოლში ვიზიტს აპროტესტებს და აცხადებს, რომ რუსეთი კონფლიქტის ესკალაციაზე შეგნებულად მიდის.
საგარეო უწყება ამას პუტინის მხრიდან უკრაინული კანონმდებლობის აშკარა იგნორირებად აფასებს.
„უკრაინაში ამ ნაბიჯს რუსული მხრიდან უკრაინული კანონმდებლობის აშკარა დარღვევად, საერთაშორისო ნორმების უგულებელყოფად და უკრაინის სუვერენიტეტის უხეშ დარღვევად აფასებენ.
ეს პროვოკაცია კიდევ ერთხელ ადასტურებს, რომ რუსეთი შეგნებულად მიდის კონფლიქტის კიდევ უფრო მეტ ესკალაციაზე და მას ორმხრივ ურთიერთობებში არსებული რთული საკითხების მოგვარება დიპლომატიური გზით არ სურს",_ ნათქვამია განცხადებაში.