ნიუ-იორკის საერთაშორისო ოფისის გახსნაში მონაწილეობდნენ: ევროპულ-ქართული საზოგადოების პრეზიდენტი ანა რეხვიაშვილი, აღმასრულებელი დირექტორი ნელი მელითაური, საქართველოს გენერალური კონსული ნიუ-იორკში დიანა ჟღენტი, საქართველოს გენერალურიი საკონსულოსა და ნიუ-იორკში მცხოვრებ წარმატებული ქართველთა სხვა წარმომადგენლები.

,,ეს დიდი შესაძლებლობების საერთაშორისო მოედანია, სადაც რამდენიმე პლატფორმა და უმნიშვნელოვანესი მიმართულება იმუშავებს, მათ შორის სამშვიდობო; ეკონომიკის, ბიზნესის განვითარებისა და ინვესტიციების მოზიდვის; ქალთა; ინსტიტუციური დემოკრატიის განვითარებისა და საქართველოს წარმატებისათვის მიმართული სხვადასხვა საერთაშორისო პროგრამები და პროექტები", - აღნიშნა ოფისის გახსნის ცერემონიაზე ევროპულ-ქართული საზოგადოების პრეზიდენტმა ანა რეხვიაშვილმა.

,,ჩვენი საერთაშორისო ოფისები თქვენი ოფისებია", - ნიუ-იორკიდან მიმართა ნესტან კირთაძემ აფხაზებს და ოსებს და იმედი გამოთქვა, რომ "შორს არ არის ის დრო, როცა ჩვენ ერთად განვახორციელებთ ჩვენი ხალხების წარმატებული მომავლის ერთობლივ პროექტებს''

ნიუ-იორკის ოფისის პრეზენტაციის დასასრულს ანა რეხვიაშვილმა სტუმრებს თავისი საავტორო წიგნი F 63.9 და ამ წიგნისათვის სპეციალურად შექმნილი კომპოზიტორ ლილიკო ნემსაძის საუნდტრეკი გადასცა.

აღსანიშნავია რომ ბრიუსელის შემდეგ ეს უკვე მეორე საერთაშორისო ოფისია, სადაც ქართულ-აფხაზური და ოსური საერთაშორისო მოძრაობა, ევროპულ-ქართული საზოგადოება, ქალთა საერთაშორისო კლუბი და ბიზნესის განვითარების და ინვესტიციების საერთაშორისო პალატა , კოალიციაში მყოფ სხვა საერთაშორისო და ქართულ ორგანიზაციებთან ერთად განაგრძობს საქმიანობას და საერთაშორისო ლიდერთა ქსელში ჩართვას.

ნიუ-იორკში შედგა ქართული დელეგაციის რამდენიმე საქმიანი შეხვედრა, მათ შორის
გაეროს ქალთა სამოქალაქო საზოგადოებასთან ურთიერთობის ხელმძღვანელთან, ქალბატონ ლოპა ბანერჟესთან (Lopa Banerjee).

„ჩვენ უნდა შევძლოთ და წინ წამოვწიოთ ქალების როლი და ჩართულობა ქვეყნის პოლიტიკურ , ეკონომიკურ და სოციალურ ცხოვრებაში, რაც გავლენას მოახდენს არა მხოლოდ ქალების, არამედ მათი ოჯახების და საზოგადოების განვითარებაზე „ - განაცხადა ლოპა ბანერჟესთან შეხვედრაზე ევროპულ ქართული საზოგადოების EUGS აღმასრულებელმა დირექტორმა ნელი მელითაურმა .

ლოპა ბანერჟემ ნიუ-იორკის ოფისის გახსნა მიულოცა და სამოქალაქო საერთაშორისო მოძრაობის ქართველი ლიდერები ივნისის თვეში UN Women - ის ბრიუსელის სპეციალურ სხდომაზე კონკრეტული მიზნებითა და დღის წესრიგით მიიწვია .
,,-ჩვენ მოუთმენლად ველოდებით თქვენთან მჭიდრო თანამშრომლობის დაწყებას'' _ განაცხადა შეხვედრის დასრულების დროს ლოპა ბანერჟემ

ნიუ-იორკის შემდეგ ნესტან კირთაძე და ქართული დელეგაციის სხვა წევრები ვაშინგტონში გაემგზავრნენ, სადაც სხვადასხვა საქმიან შეხვედრებში მიიღებენ მონაწილობას.