შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი NDI-ის კვლევას ეხმიანება და აცხადებს, რომ აღნიშნული კვლევები მისთვის სანდო არ არის.
,,ჩემთვის ეს კვლევები ზოგადად სანდო არ იყო. თუ ადრე სანდო არ იყო, ახლა რატომ უნდა იყოს სანდო, იმიტომ რომ ხელისუფლებაში ვართ? ამიტომ ჩემთვის ბევრ კითხვებს ბადებს ზოგადად ასეთი კვლევები", _განაცხადა ზაქარეიშვილმა მთავრობის სხდომის დასრულების შემდეგ.
შგახსენებთ, რომ დღეს 8 მაისს, ეროვნულ-დემოკრატიულმა ინსტიტუტმა (NDI) მედიას პოლიტიკური რეიტინგები წარუდგინა.
NDI-ის კვლევის საველე სამუშაოები ჩატარდა 26 მარტიდან 18 აპრილის პერიოდში, საქართველოს მასშტაბით 3,942 პირისპირ ინტერვიუს წარმომადგელობითი შერჩევის საფუძველზე.
NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (შიდა) და ატარებს ჩღღჩ საქართველო.
