"არასაპარლამენტო ოპოზიციის" ზუგდიდის საკრებულოს წევრობის კანდიდატი ბეჟან გუნავა კოალიცია "ქართულ ოცნებას" ამომრჩევლების მოსყიდვაში ადანაშაულებს.
როგორც ბეჟან გუნავამ დღევენდელ პრესკონფერენციაზე განაცხადა, "ქართული ოცნების" კოორდინატორები მიდიან მოსახლეობასთან, მათგან მოითხოვენ იმ ადამიანების სიას, რომელთაც სურთ სოციალური დახმარების აღდგენა, ასევე სამხედრო სავალდებულო სამსაურში გაწვევის გადავადება.
გუნავას განცახდებით, მათ ამის თაობაზე ინფორმაცია რამდენიმე პირმა მიაწოდა.
"ეს არის ამომრჩევლების მოსყიდვა და რესურსის გამოყენება," -აღნიშნა მან.
კოალიცია "ქართული ოცნების" ზუგდიდის შტაბის ხელმძღვანელი ლაშა გვასალია აცხადებს, რომ მსგავსი ფაქტი არ მომხდარა. გვასალია გუნავას ბრალდებას აბსურდულს უწოდებს და აცხადებს, რომ მსგავს ქმედებებს სწორედ თავად გუნავა ახორციელებდა.
