ხელვაჩაურის რაიონის სოფელ ახალსოფლის მშენებარე ეკლესიის გუმბათის ჩამონგრევის შედეგად ორი ადამიანი გარდაიცვალა.
როგორც "ჯი-იეჩ-ენ"-ს შემთხვევის ადგილიდან აცნობეს, სამაშველო სამსახურის თანამშრომლებმა ერთი გარდაცვლილი ნანგრევებიდან უკვე ამოიყვანეს, ხოლო მეორე გარდაცვლილის ამოყვანის სამუშაოები ამ წუთებში მიმდინარეობს და სავარაუდოდ, ისიც გარდაცვლილია.
ეკლესიის ჩამონგრევის შედეგად, ნანგრევებში სულ ოთხი ადამიანი მოყვა. ორი მათგანი მძიმე დაზიანებებით სასწრაფო სამედიცინო სამსახურმა საავადმყოფოში გადაიყვანა. ეკლესიის მშენებლობაზე დასაქმებული ადამიანები ადგილობრივები არ არიან.
შემთხვევის ადგილზე აჭარის მთავრობის თავმჯდომარე არჩილ ხაბაძე, უზენაესი საბჭოს თავმჯდომარე ავთანდილ ბერიძე, თვითმმართველობის წევრები და სასულიერო პირები იმყოფებიან.