საქართველოს პირველი პრეზიდენტის ზვიად გამსახურდიას ოჯახის წინაშე არსებულ სახელმწიფო ვალდებულებას სპეციალური კომისია შეისწავლის.
პრემიერ-მინისტრის ბრძანებულების თანახმად, მანანა არჩვაძე-გამსახურდიას განცხადების საფუძველზე შეიქმნება სამუშაო ჯგუფი, რომლის ხელმძღვანელი მთავრობის კანცელარიის უფროსის მოადგილე ნინო კობახიძე იქნება.
სამუშაო ჯგუფის შემადგენლობაში შედიან: საქართველოს მთავრობის საპარლამენტო მდივანი შალვა თადუმაძე, შრომის, ჯანმრთელობისა და სოციალური დაცვის მინისტრის მოადგილე დავით ლომიძე, ფინანსთა მინისტრის პირველი მოადგილე გიორგი თაბუკაშვილი.
ბრძანებულების თანახმად, სამუშაო ჯგუფის მუშაობაში მოანწილეობას მიიღებს სახალხო დამცველი უჩა ნანუაშვილი.
პირველი პრეზიდენტის მეუღლემ, მანანა არჩვაძე-გამსახურდიამ 2 აპრილს პრემიერ-მინისტრ ირაკლი ღარიბაშვილს მიმართა და მისი ოჯახის წინაშე არსებული სახელმწიფოს ფინანსური ვალდებულების საკითხის შესწავლა მოითხოვა.
