საქართველოს პრეზიდენტი გიორგი მარგველაშვილი „თბილისის სამიტი 2014"-ის ფარგლებში, საქართველოში ვიზიტად მყოფ აზერბაიჯანელ კოლეგას ილჰამ ალიევს შეხვდა.
შეხვედრისას მხარეებმა ორ ქვეყანას შორის არსებული ურთიერთობები განიხილეს, საუბარი შეეხო რეგიონალური უსაფრთხოებისა და ენერგოუსაფრთხოების საკითხებს. საქართველოს პრეზიდენტმა გამოხატა სურვილი ქვეყნებს შორის პოლიტიკური და ეკონომიკური თანამშრომლობის გაღრმავების შესახებ. პრეზიდენტებმა ორმხრივი შეხვედრისას კონკრეტული პროექტებიც განიხილეს, რომლებსაც საქართველო და აზერბაიჯანი ერთობლივად ახორციელებენ.
აზერბაიჯანის პრეზიდენტი სამიტში მონაწილეობის მისაღებად საქართველოში დილით ჩამოვიდა, ილჰამ ალიევი თბილისს დღეს საღამოს დატოვებს.
