საქართველოს პრეზიდენტის ავლაბრის რეზიდენციაში საქართველოს, აზერბაიჯანისა და თურქეთის პრეზიდენტების შეხვედრა მიმდინარეობს.
გიორგი მარგველაშვილი, ილჰამ ალიევი და აბდულა გიული შეხვედრის შემდეგ მედიისთვის განცხადებებს გააკეთებენ.
ოფიციალური დღის წესრიგის მიხედვით, დღესვე გიორგი მარგველაშვილის სახელით ავლაბრის რეზიდენციაში სტუმარი პრეზიდენტებისთვის სადილი გაიმართება, რომლის შემდეგ სამი ქვეყნის პირველი პირები ისევ სამუშაო რეჟიმს დაუბრუნდებიან.
უფრო კონკრეტულად, 15:00 საათზე პირისპირ შეხვედრას ჯერ აზერბაიჯანისა და თურქეთის პრეზიდენტები გამართავენ, შემდეგ კი ილჰამ ალიევს გიორგი მარგველაშვილი მიიღებს. რაც შეეხება აბდულა გიულის, საქართველოს პრეზიდენტი თურქ კოლეგასთან პირისპირ შეხვედრას ხვალ გამართავს.
