საქართველოში ევროკავშირის წარმომადგენლობის ხელმძღვანელის მოადგილე ბორის იაროშევიჩი "რუსთავი 2"-ის განცხადებას გამოეხმაურა და განცახადა, რომ
წარმომადგენლობა აღნიშნულ ფაქტს თვალს ყურადღებით მიადევნებს.
"დეტალები ჯერ ჩემთვის ცნობილი არ არის, მაგრამ შემიძლია გითხრათ, რომ ჩვენ მხარს ვუჭერთ პირადულობის უფლებების დაცვას. ვეწინააღმდეგებით უკანონო ჩანაწერების გაკეთებას. ასევე მხარს ვუჭერთ მონაცემთა დაცვას. ასე რომ, ამ ფაქტს ჩვენ ყურადღებით მივადევნებთ თვალს", - განაცხადა საქართველოში ევროკავშირის წარმომადგენლობის ხელმძღვანელის მოადგილემ ბორის იაროშევიჩმა.
„რუსთავი 2"-მა საგანგებო განცხადება გააკეთა, რომლის მიხედვითაც, ტელეკომპანიაში ტოპმენეჯმენტის და ჟურნალისტების ფარული მოსმენა ხდებოდა. კერძოდ, „რუსთავი 2"-მა გენერალური დირექტორის ნიკა გვარამიას და გადაცემა "პოზიციის" წამყვანის ნინო შუბლაძის სამუშაო კაბინეტებში გაკეთებული ფარული ჩანაწერები გაასაჯაროვა.
