"რუსთავი 2"-ის გენერალური დირექტორი ნიკა გვარამია ბოდიშს იხდის იმისთვის, რომ წინა ხელისუფლების წლებში ფარული ჩანაწერების გავრცელების მანკიერი პრაქტიკის ჩამოყალიბებაში მონაწილეობა აქვს მიღებული.
აღნიშნულთან დაკავშირებით, ნიკა გვარამიამ დღევანდელ პრესკონფერენციაზე ტელეკომპანიაში აღმოჩენილი უკანონო თვალთვალისა და მიყურადების ფაქტებთან დაკავშირებით გამართულ პრეკონფერენციაზე განაცხადა.
მისი თქმით, ახალი ხელიუფლება, ამ მანკიერი პრაქტიკის აღმოფხვრის არაერთი დაპირების მიუხედავად, თვითონაც მისი წინამორბედი გზას დაადგა.
"მინდა, გავიხსენო წინა წლებში და მათ შორის, პირადად ჩემი არცთუ პასუხისმგებლობიანი დამოკიდებულება ფარული ჩანაწერების გავრცელებასთან დაკავშირებით. ჩემი მხრივ მინდა, ბოდიში მოვიხადო იმისთვის, რომ მონაწილეობა მაქვს მიღებული ამ მანკიერი პრაქტიკის ჩამოყალიბებაში. მართალია, ყველა ის ჩანაწერი, რომელიც ჩემთვის იყო ცნობილი, მოპოვებული იყო ლეგიტიმურად და მათი გავრცელება წარმოადგენდა სახელმწიფო დისკრეციას. მიუხედავად ამისა, მიმაჩნია, რომ გადაწყვეტილება მაშინ იქნა მიღებული არასწორად და ამგვარი პრაქტიკით შეილახა ძალიან ბევრი ადამიანის დემოკარტიის ფუნდამენტური დაცული სიკეთე. ეს არის პირადი ცხოვრების ხელშეუხებლობა. ამ პრაქტიკის გამო, ადამიანებმა, ვინც ფიგურირებდა ამ ჩანაწერებში, მიიღეს მნიშვნელოვანი რეპუტაციული და მორალური ზიანი, რისთვისაც გულწრფელად გამოვხატავ წუხილს", - განაცხადა გვარამიამ.
