როგორც საპარლამეტო უმრავლესობიდან "ჯი-ეიჩ-ენ"-სთვის გახდა ცნობილი, კოალიციის პოლიტიკური საბჭო პრემიერ-მინისტრს ადგილობრივი თვითმმართველობის საკითხებთან დაკავშირებით შეხვდება.

შეხვედრა სამუშაო ხასიათისა, სადაც კონკრეტული გადაწყვეტილების მიღება დაგეგმილი არ არის. პოლიტსაბჭოს წევრები ირაკლი ღარიბაშვილთან ერთად, უკვე შეთანხმებულ და ჯერ კიდევ შეუთანხმებელ საკითხზე იმსჯელებან.

"ქართული ოცნების" 12 მერობის კანდიდატი რამდენიმე დღის წინ პრემიერ-მინისტრმა ირაკლი ღარიბაშვილმა პირადად წარადგინა.

კანდიდატების სია ასე გამოიყურება: ქუთაისი - შოთა მურღულია; ბათუმი - გიორგი ერმაკოვი ; თელავი - პლატონ კალმახელიძე; ამბროლაური - რატი ნამგალაძე; რუსთავი - დავით ჯიქია ; ახალციხე - გიორგი კოპაძე; მცხეთა - ავთანდილ ნემსიწვერიძე; ზუგდიდი - ირაკლი გოგოხია; გორი - ზურაბ ჯირგველიშვილი; ოზურგეთი - ბეგლარ სიორიძე; ფოთი - ირაკლი კაკულია; თბილისი - დავით ნარმანია.
ადგილობრივი თვითმმართველობის არჩევნები 15 ივნისს გაიმართება.