დღეს, 5 მაისს საქართველოს თურქეთის პრეზიდენტი აბდულა გიული ეწვევა. აბდულა გიულის თბილისში 16:00 საათზე ელოდებიან.
აზერბაიჯანის პრეზიდენტი ილჰამ ალიევი კი საქართველოს ხვალ, 6 მაისს ეწვევა.
თურქ და აზერბაიჯანელ კოლეგებს საქართველოს პრეზიდენტი გიორგი მარგველაშვილი უმასპინძლებს. სამი ქვეყნის პრეზიდენტი ,,თბილისის სამიტი 2014" მიიღებენ მონაწილეობას.
პრეზიდენტის ადმინისტრაციის ინფორმაციით, სამიტზე ქვეყნებს შორის ბოლო 20 წლის განმავლობაში ეკონომიკური, სავაჭრო, სატრანსპორტო და ენერგეტიკული თანამშრომლობის შედეგებს განიხილავენ.
სამივე ქვეყნის დელეგაციის წარმომადგენლები მიმდინარე და დაგეგმილი პროექტების განხორციელების შესახებაც იმსჯელებენ. სამიტის ფარგლებში დაგეგმილია პრეზიდენტების სამმხრივი და ორმხრივი შეხვედრები.
"თბილისის სამიტი 2014" საქართველოს პრეზიდენტის თურქეთსა და აზერბაიჯანში ვიზიტებისას დაიგეგმა.
