"კანონის უზენაესობის პატივისცემასთან ერთად, აუცილებელია თავიდან იქნას აცილებული შერჩევითი სამართლის როგორც არსებობა, ისე მის შესახებ შთაბეჭდილება. ამ მიზნის მისაღწევად საუკეთესო მიდგომაა, დამოუკიდებელი და სანდო სასამართლო სისტემაში ინვესტირება და იმის უზრუნველყოფა, რომ ამა თუ იმ საქმის შეფასება არ გაცდება სასამართლო სისტემას. ხელისუფლებამ წამოიწყო გამოძიებების სერია "ნაციონალური მოძრაობის" ლიდერების მიერ, სავარაუდოდ, ჩადენილ დანაშაულებებსა და უფლებამოსილების ბოროტად გამოყენების სავარაუდო შემთხვევებზე. ქართველი და საერთაშორისო დამკირვებლების ნაწილი ამ გამოძიებებს პოლიტიკურად მოტივირებულად მიიჩნევს. ეს შთაბეჭდილება შესაძლოა გაამყაროს საჯარო დისკურსში ჭარბად არსებულმა დაუსაბუთებელმა ბრალდებებმა დანაშაულუბერივი ქმედებების შესახებ", - განაცხადა ა პერ ეკლუნდმა.
შეგახსენებთ, რომ დელეგაცია საქართველოს 2014 წლის 28 აპრილიდან 2 მაისამდე სტუმრობდა, რათა შეეფასებინა არჩევნებისთვის მზადების პროცესი, წინასაარჩევნო პროცესში აქტიურად ჩართული ძირითადი სუბიექტების პოლიტიკური აქტივობები და ზოგადი საარჩევნო გარემო ხელისუფლებასთან, საარჩევნო ადმინისტრაციასთან, საპრეზიდენტო კანდიდატებთან, პოლიტიკური პარტიის ლიდერებთან, სამოქალაქო სექტორის და საერთაშორისო ორგანიზაციების წარმომადგენლებთან შეხვედრების საფუძველზე.

NDI-ის წინასაარჩევნო დელეგაცია დააფინანსა აშშ-ის საერთაშორისო განვითარების სააგენტომ (USAID).