პარლამენტის რიგით მე-100 პლენარულ სხდომაზე ანტიდისკრიმინაციული კანონის განხილვა დღის მეორე ნახევარში მოხდება.
როგორც პარლამენტის პლენარულ სხდომაზე პარლამენტის თავმჯდომარე დავით უსუფაშვილმა განაცხადა, დღის წესრიგში საკითხი შესვენებაზე ჩანიშნულ ბიუროს სხდომაზე შევა.
პარლამენტის თავმჯდომარემ აღნიშნა, რომ კანონპროექტი მესამე მოსმენით ადამიანის უფლებათა დაცვისა და სამოქალაქო ინტეგრაციის კომიტეტმა დღეს დილით განიხილა და შესწორებულ ვარიანტს ბიუროს სხდომაზე წარადგენს.
უსუფაშვილმა ასევე დასძინა, რომ დღეს საქართველოს მერვე მოწვევის პარლამენტი მე-100 სხდომას მართავს და საკანონმდებლო ორგანო "ახლად უკვე აღარ უნდა ჩაითვალოს".
