საქართველოში ვიზიტად მყოფი ნატო-ს გენერალური მდივნის სპეციალურ წარმომადგენელი კავკასიასა და ცენტრალური აზიაში ჯეიმს აპატურაი ანტიდისკრიმინაციულ კანონს ეხმიანება და აცხადებს, რომ საქართველოს შიდა საქმეებში ვერ ჩაერევა, თუმცა მიიჩნევს, რომ უმცირესობების უფლებების დაცვა აუცილებელია.
,,ანტიდისკრიმინაციულ კანონთან დაკავშირებით ნატოს გენერალურმა მდივანმა საკუთარი პოზიცია უკვე დააფიქსირა და ახლა მეც იგივეს გავიმეორებ. ჩვენ არ ვაპირებთ და არ გვინდა ჩავერიოთ საქართველოს შიდა საქმეებში, ეს პოზიცია ნატოს წევრ ქვეყნებზეც ვრცელდება. თუმცა ვფიქრობთ, რომ უმცირესობების უფლებების დაცვა აუცილებელია და ამ ღირებულებებს მაღალ დონეზე ვაყენებთ. ჩვენ გვსურს ამ კუთხით საქართველოში პროგრესი დავინახოთ", _განაცხადა აპატურაიმ საგარეო საქმეთა მინისტრ მაია ფანჯიკიძესთან შეხვედრის შემდეგ.
