პარლამენტის ტერიტორიული მთლიანობის აღდგენის საკითხთა დროებითი კომისია კონფლიქრურ ზონებთან დაკავშირებით ახალ სტრატეგიას შეიმუშავებს.
ამის თაობაზე კომისიის დღევანდელ სხდომაზე ითქვა, სადაც კომისიის თავმჯდომარე გიორგი ვოლსკიმ განვლილი პერიოდის მუშაობა შეაჯამა და იმ საკითხებზე ისაუბრა, რაზეც კომისიამ სამომავლოდ უნდა იმუშაოს.
მისი თქმით, საჭიროა სახელმწიფომ შეიმუშაოს სტრატეგია კონფლიქტურ ზონებთან დაკავშირებით.
კომისიის წევრმა დეპუტატებმა უნდა ჩამოაყალიბონ თავიანთი შეხედულებები, მოამზადონ ანალიტიკური მოხსენება და აქტიურად ჩაებან ზემოაღნიშნული მიმართულებით კომისიის მუშაობაში.
