შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი მიჩნევს, რომ ანტიდისკრიმინაციულ კანონთან დაკავშირებით პოლიტიკური გადაწყვეტილება უნდა იყოს მიღებული. როგორც მთავრობის სხდომის დაწყებამდე ზაქარეიშვილმა განაცხადა იგი ეთანხმება კანონპროექტის იმ ვერსიას რომელიც მთავრობამ დაამტკიცა.
,,კანონპროექტი, რომელიც მთავრობის მიერ არის დამტკიცებული, ჩემთვის მისაღებია. ვეთანხმები და მგონია, რომ უნდა გავიდეს სუსტად ისე, როგორც ჩვენ ვთვლით, მაგრამ პარლამენტი არის უფრო მაღალი ორგანო, შესაბამისად მას აქვს თავისი ხედვები. მას აქვს უფლება, გარკვეულწილად შეცვალოს პროექტი და კორექტივები შეიტანოს. საზოგადოებაში არსებული სხვადასხვა დამოკიდებულება კი ბუნებრივია. საბოლოო ჯამში, ვფიქრობ, პოლიტიკური გადაწყვეტილება უნდა იყოს მიღებული", - განაცხადა პაატა ზაქარეიშვილმა.
