ხელისუფლება დონეცკში არსებულ სიტუაციას ვერ აკონტროლებს. განცხადება ამის შესახებ უკრაინის პრეზიდენტის მოვალეობის შემსრულებელმა ალექსანდრე ტურჩინოვმა კიევში გააკეთა. ინფორმაციას ამის შესახებ უკრაინული მედია ავრცელებს.
„დღეს ქალაქ დონეცკში ხელისუფლება სიტუაციას ვერ აკონტროლებს, ზუსტად ისე, როგორც ვერ აკონტროლებს ნაწილებს დონეცკის ოლქში",_ აცხადებს ტურჩინოვი და სიტუაციას დონეცკისა და ლუგანსკის ოლქებში განსაკუთრებით საშიშს უწოდებს.
„განსაკუთრებით რთულია სიტუაცია დონეცკის ოლქში. ქალაქი სლავიანსკი ხელში ჩაგდებული აქვს დაჯგუფებებს, რომლებსაც რუსეთის ფედერაცია აკონტროლებს -ეს ტერორისტულ -დივერსიული ჯგუფებია",_ განაცხადა ტურჩინოვმა და აღნიშნა,რომ დღეს ძალოვანი სტრუქტურები ამ ოლქებში სიტუაციის კონტოლს ვერ ახერხებენ.
მასალის გამოყენების პირობები
