დღეს დეპუტატები კიდევ ერთ კანონპროექტზე იმსჯელებენ. იუსტიციის მინისტრის მოადგილე სანდრო ბარამიძე პარლამენტს მოქალაქეობის მინიჭების შესახებ მომზადებულ საკანონმდებლო ინიციატივას წარუდგენს.
ცვლილების მიხედვით, მოქალაქეობის მიღებასთან დაკავშირებული პროცედურები პრეზიდენტის პრეროგატივა იქნება. კანონის თავდაპირველი ვერსიის თანახმად, მოქალაქეობის მიღების დროს პრეზიდენტის გადაწყვეტილებას პრემიერ-მინისტრის თანხმობა სჭირდებოდა.
როგორც პროექტის ავტორები განმარტავენ, მოქალაქეობის მინიჭების ერთპიროვნული უფლების პრეზიდენტზე გადაცემით კანონი საქართველოს კონსტიტუციასთან შესაბამისობაში მოვიდა.
