2014 წლის 25 აპრილს გაიმართა ესტონეთში საქართველოს ახლადდანიშნული ელჩის თეა ახვლედიანის შეხვედრა ესტონეთის პარლამენტის თავმჯდომარესთან ეიკი ნესტორთან.
შეხვედრაზე განხილულ იქნა ორმხრივი თანამშრომლობის საკითხები და ხაზი გაესვა ამ მიმართულებით ურთიერთობების გაღრმავების აუცილებლობას. საუბარი შეეხო საქართველოს ნატო-ში ინტეგრაციის პროცესს, ასევე ევროკავშირთან თანამშრომლობის განვითარებისა და გაღრმავების პერსპექტივებს. მხარეებმა აგრეთვე განიხილეს საქართველო-რუსეთს შორის არსებული ურთიერთობები, აქტუალური რეგიონული და საერთაშორისო საკითხები.
საქართველოს ელჩმა მადლობა გადაუხადა ესტონურ მხარეს საქართველოს ტერიტორიული მთლიანობისა და ევროპული და ევროატლანტიკური ინტეგრაციის პროცესის აქტიური მხარდაჭერისათვის.
შეხვედრისას ხაზი გაესვა საქართველო-ევროკავშირის თანამშრომლობის მნიშვნელობის მოსახლეობისათვის სათანადოდ წარმოჩენის აუცილებლობას, შესაბამისი საინფორმაციო კამპანიის წარმოების გზით.
მასალის გამოყენების პირობები
