ევროპის ახალგაზრდული ოლიმპიური ფესტივალის "თბილისი 2015" და "ევროპის მძლეოსნობის 2014 წლის გუნდური ჩემპიონატის "თბილისი 2014" საორგანიზაციო კომიტეტის წევრები ლისის ტბაზე მდებარე სარეაბილიტაციო ცენტრ "რაიდმედს" ეწვივნენ.
ცენტრში რეაბილიტაციის კურსს აუტიზმისა და ცერებრალური დამბლის მქონე სხვადასხვა ასაკის ადამიანები გადიან, მათ შორისაა 30-მდე მოზარდი, რომელთაც აღდგომის დღესასწაული "თბილისი 2015"-ის სახეებმა მინი კონცერტით მიულოცეს. ცენტრის სტუმრებს შორის ასევე იყვნენ "თბილისი-2015"-ის თილისმები ბიჭი და მოყმე და "თბილისი 2014-ის" თილისმა ციყვი კოკო. მათ ცენტრში მყოფ მოზარდებს საორგანიზაციო კომიტეტის წევრებთან ერთად "თბილისი 2015"-ის ბრენდირებული საჩუქრები დაურიგეს.
მოზარდებს საჩუქრები გადასცა "თბილისი 2015"-ის პარტნიორმა კომპანია "ეკო ფუდმაც". "ეკო ფუდის" წარმომადგენლებმა აუტიზმის მქონე ადამიანებს საკუთარი პროდუქციით დაკომპლექტებული სასაჩუქრე კალათები გადასცეს.
მასალის გამოყენების პირობები