პრემიერ-მინისტრ ირაკლი ღარიბაშვილის ხელმძღვანელობით, დღეს ეკონომიკური საბჭოს მორიგი სხდომა გაიმართა. საბჭოს წევრებმა საქართველოს სოციალურ-ეკონომიკური განვითარების სტრატეგია „საქართველო 2020" -ის შესახებ იმსჯელეს. განიხილეს ინკლუზიური ეკონომიკური ზრდისთვის აუცილებელი წინაპირობები და ეკონომიკური ზრდის შემაფერხებელი ფაქტორები, განსაზღვრეს ამოცანების შესრულების ინდიკატორები. სხდომაზე ხაზგასმით აღინიშნა, რომ ეკონომიკური პოლიტიკა უნდა ეყრდნობოდეს ეკონომიკური თავისუფლების და საკუთრების უფლების განუხრელ პატივისცემას და დაცვას. ამავდროულად სახელმწიფო შეასრულებს ეკონომიკურ პროცესებში სამართლიანობის დაცვის გარანტორის ფუნქციას.
ქვეყნის სოციალურ-ეკონომიკური განვითარების სტრატეგიას საქართველოს მთავრობა საჯარო განხილვების შემდეგ დაამტკიცებს.
