„ლისი ვერანდას" კლიენტებს „თიბისი ბანკი" და „ლისი დეველოპმენტი" ერთობლივ პროდუქტს სთავაზობენ. როგორც „თიბისი ბანკში" განმარტავენ, ახალი პროდუქტი კი ეს არის „თიბისი ბანკის" ახალი იპოთეკური სესხი, რომელიც შემუშავდა სპეციალურად „ლისი დეველოპმენტის" კლიენტებისათვის და რომლის საპროცენტო განაკვეთი 0-დან 8,44 %-მდეა. „თიბისი ბანკის" წარმომადგენლის ნინო ყაჭიაშვილის განმარტებით, სესხი უპროცენტოა 15 თვის ვადის შემთხვევაში, ხოლო 5 წლიან სესხის წლიური პროცენტი სტანდარტულზე ბევრად დაბალი - 8,44 %-ია.
„ლისი დეველოპმენტთან" ერთად „თიბისი ბანკმა" შექმნა ძალიან კარგი და საინტერესო პროდუქტი. ეს ახალი პროდუქტი კი თავის მხრივ, მომხმარებელს აძლევს შესაძლებლობას, რომ საკმაოდ ხელმისაწვდომ თანხებში „ლისი ვერანდას" ბინები იყიდონ. 5 წლამდე სესხებზე საპროცენტო განაკვეთი 8,44 %-ია, თუმცა თუ კილიენტი გააკეთეს 15 თვიან სესხს, მაშინ საპროცენტო განაკვეთი 0 %-ს შეადგენს. თუმცა ყველაზე დიდი მოთხოვნა მაინც 5-დან 10 წლამდე სესხებზეა"- აღნიშნა ნინო ყაჭიაშვილმა.

„ლისი ვერანდა" რამდენიმე ფაზისგან შედგება და 1 ფაზის მშენებლობა ამ დროისათვის ფაქტობრივად დასრულებულად ითვლება. როგორც „ლისი დეველოპმენტში" აცხადებენ, ამ დროისათვის ბინების 80 %-ი უკვე გაყიდულია. პირველი ფასის მსენებლობა ინვესტორს 30 მლნ დოლარი დაუჯდა.

პროექტი „ლისი ვერანდა" ლისის ტბასთან ახლოს, გოძიაშვილის ქუჩის მიმდებარედ („112"-ის შენობის უკან) მდებარეობს. ეს არის სრულიად ახალი, ეკოლოგიურად სუფთა დასახლების კონცეფცია, მრავალფუნქციური რეკრეაციული ზონითა და თანამედროვე დახვეწილი არქიტექტურით.

სამომავლოდ „ლისი დეველოპმენტის" საცხოვრებელი კომპლექსი 355 ჰექტარზეა გაიშლება. შენობაში მწვანე ტერიტორიის მხოლოდ მესამედს დაიკავებს, დანარჩენი კი უნიკალური ფლორა და საგანგებოდ გაშენებული ბაღები იქნება.

„კომპანიის საკუთრებაშია 355 ჰექტარი მიწია ლისის ტბის მიმდებარედ. ფაზა ერთის ფარგლებში, რომელსაც ეწოდება „ლისი ვერანდა" და რომელიც განხორციელდა 5 ჰექტარის ფართობზე, განაშენიანება გულისხმობს 120 ერთეული ბინის მშენებლობას. ეს განაშენიანება პრაქტიკულად უკვე დასრულებულია და დარჩენილია 19 ბინის მშენებლობა, რომელიც 2-3 თვეში უკვე იქნება დასრულებული. ჩვენ ვცდილობთ, რომ ტერიტორია იყოს მაქსიმალურად გამწვანებული. მაგალითი, რომ მოგიყვანოთ, 100 %-დან შენობებს მხოლოდ 25 %-ი უკავია, ხოლო დანარჩენი არის მწვანე ტერიტორია. ყველა ხე, რომელიც „ლისი ვერანდას" ტერიტორიაზეა დარგული სპეციალურად იტალიიდანაა ჩამოტანილი, აქ არის სხვადასხვა ჯიშის ხეები, რომელიც საქართველოს ტერიტორიაზე არ გვხვდება.
რაც შეეხება თავად შენობებს, ის არის ენეგოეფექტურია. ფასადების თვალსაზრისით გამოყენებულია ვენეციური აგური, ასევე ჰოლანდიური ხე, რომელიც საკმაოდ მდგრადია და უძლებს სხვადასხვა ტემპერატურულ ცვლილებებს. ასევე კარ-ფანჯარა მთლიანად შეკრულია „შუკოს" პროდუქციით, რომელიც ერთ-ერთი ლიდერი ბრენდია კარ-ფანჯარის წარმოებაში"- განაცხადა „ლისი დეველოპმენტის" გენერალურმა დირექტორმა ნოდარ ადეიშვილმა.

„ლისი ვერანდა" განსაკუთრებულია კლიმატური პირობებით, თერმული წყლებით და თვალწარმტაცი ხედებით მთელ თბილისზე. რასაც თავის მხრივ დაგეგმარების პრინციპი განაპირობებს - განაშენიანების დაბალი სიმჭიდროვე და არაუმეტეს 4 სართულის სიმაღლის შენობები. აქვეა ახლად აშენებული იპოდრომიც.

„ლისი ვერანდა" კომპანია „ლისი დეველოპმენტის" პროდუქტია. ის საქართველოში პირველი დეველოპერული კომპანიაა, რომელიც ასეთ ფართომასშტაბიან პროექტს ახორციელებს. კომპანიის მიზანია, თანამედროვე სტილის, დახვეწილი არქიტექტურის მქონდე საცხოვრებელი კომპლესის შექმნა და სრულიად ახალი, ეკოლოგიური, ჯანსაღი ცხოვრების სტილის დამკვიდრება.

„ლისი ვერანდაზე" საცხოვრებლის სამი ძირითადი ტიპი შენდება:
1 დაბალსართულიანი, მრავალბინიანი საცხოვრებელი სახლები
2 „თაუნჰაუსები" - ახალი სტილის, ინდივიდუალური საცხოვრებელი სახლი საკუთარი ეზოთი.
3 ვილა ინდივიდუალური პროექტითა და საკუთარი ეზოთი.

პროექტის პირველი ეტაპი მოიცავს 4000 მ2-ის ფართობის პარკს, საცურაო აუზს და ფიტნეს დარბაზს. საცხოვრებელ კომპლექსს მოემსახურება 24 საათიანი დაცვა და კონსიერჟი.

ამ ეტაპზე დასრულებულია 120-ზე მეტი ბინის, 16 „თაუნჰაუსის" და 2 ვილის მშენებლობა. მიმდინარეობს 10 დუპლექსის სტილის და 8 სტუდიოს ტიპის ბინების მშენებლობა.
პროექტის მომდევნო ფაზა, რომელიც 2014 წლის მაისში დაიწყება და ითვალისწინებს 48000 მ2-ის მშენებლობასა და გულისხმობს 260 საცხოვრებელ ერთეულს, რაშიც კომპანია 60 მლნ დოლარის ინვესტიციის განხორციელებას აპირებს.

„ჩვენ გვაქვს სამი ტიპის პროდუქტი. პირველ პროდუქტს წარმოადგენს 4 სართულიან საცხოვრებელ კორპუსებს. აპარტამენტის მინიმალური ფასი 1 კვ/მ-ზე შეადგენს 1180 დოლარს და არის დაახლოებით 1300 დოლარამდე. ფასი დამოკიდებულია განლაგებაზე, ხედზე, სართულზე და სხვა ინდივიდუალურ მახასიათებლებზე.
ჩვენი მეორე პროდუქტი გახლავთ „თაუნჰაუსები", რომელთა ფასი 1 კვ/მ-ზე გახლავთ 1350 დოლარი. „თაუნჰასი" არის 2 სართულიანი დამოუკიდებელი საცხოვრებელი, რომელსაც მცირე თავის მცირე მიწის ნაკვეთი გააჩნია, საუბარია 300 კვ/მ ფართობ ეზოზე.
მესამე პროდუქტი კი არის ვილები, რომელთა ფასი, 1 კვ/მ-ზე გახლავთ 1590 დოლარი. ვილის მინიმალური ფართი შეადგენს 350 კვ/მ-ს. ვილა განთავსებულია 800 კვ/მ ფართობზე, რომელიც ფასში შედის"- აღნიშნა „ლისი დეველოპმენტის" კომერციულმა დირექტორმა ზურაბ ჭარბაძემ.