საქართველოს აეროპორტებიდან განხორციელებული რეგულარული რეისებიდან, მგზავრთგადაყვანის მხრივ ავიაკომპანია Turkish Airlines-ი ლიდერობს. სტატისტიკური ინფორმაციის მიხედვით, 2014 წლის იანვარ-მარტში გადაყვანილი მგზავრებიდან უმეტეს ნაწილს, ანუ 21 %-ს სწორედ ავიაკომპანია Turkish Airlines-ი მოემსახურა, სულ საუბარია 56919 მგზავრზე. Turkish Airlines-ის შემდეგ, მგზავრთგადაყვანის მხრივ ლიდერობენ ქართული ავიაციის ფლაგმანი Georgian Airways-ი („აირზენა") (11%) და უკრაინული ავიაგადამყვანი Flyuia (11%).
2014 წლის პირველ კვარტალში Georgian Airways-ი 28569 მგზავრს მოემსახურა, ხოლო Flyuia კი - 27950 მგზავრს.
საანგარიშო პერიოდში, რეგულარული გადაყვანების მხრივ ბაზრის 9 %-ის მფლობელია თურქული, დაბალ ბიუჯეტიანი ავიაკომპანია Pegasus Airlines-ი, რომელმაც 2014 წლის 3 თვეში 24298 მგზავრი გადაიყვანა.
სტატისტიკური ინფორმაციის მიხედვით, ბაზრის 6-6 %-ის მფლობელები არიან შემდეგი ავიაკომპანიები: Lufthansa, Atlasjet, S7 Airlines-ი და Belavia. ბაზრის 4-4 %-ს ფლობეენ Fly Dubai და QatarAirways-ი. რაც შეეხება Air Astana-სა და AZAL-ის, ისინი ბაზრის 3-3 %-ის მფლობელები არიან.