საქართველოს აეროპორტებიდან, მგზავრთგადაყვანის მხრივ ლიდერი თბილისის საერთაშორისო აეროპორტია. სტატისტიკური ინფორმაციის მიხედვით, თბილისის საერთაშორისო აეროპორტიდან რეგულარული და არარეგულარული რეისებით, 2014 წლის იანვარ-მარტში 278,947 მგზავრის გადაყვანა მოხდა, მაშინ როდესაც 2013 წლის 3 თვეში გადაყვანილია 256,676 მგზავრი. მგზავრთნაკადის ზრდამ 2014 წლის პირველ კვარტალში თბილისის საერთაშორისო აეროპორტიდან 8,68 %-ი შეადგინა.
