,,ეს არის შემაშფოთებელი. მაგრამ მე ამას არ ვუკავშირებ რაიმე კონკრეტულ, პოლიტიკურ მოვლენას, ეს ფაქტები მუდმივად ხდება. ჩვენ მუდმივად ამასთან დაკავშირებით ვაფიქსირებთ პროტესტს. ის ადამიანები ვინც გეგმავენ მავთულხლართების გავლებას სწორედ იმისთვის გეგმავენ, რომ ადამიანებს შეუქმნან პრობლემები, რომელთაც აქვს სრულად ბუნებრივი სურვილი, რომ მივიდნენ წინაპრების საფლავებთან, ეკლესიაში. ჩვენ გაგვაჩნია ერთი მექანიზმი და ამ მექანიზმს არ ვივიწყებთდა ყოველთვის აქტიურად ვიყენებთ ეს არის მსოფლიო თანამეგობრობის ყველა ფორუმზე ამ საკითხის წამოწევა", _განაცხადა მარგველაშვილმა.

2014 წლის 10 აპრილს, 10:40 საათზე რუსული AN-2 ტიპის თვითმფრინავი ოკუპირებული აფხაზეთის რეგიონის მიმართულებიდან საქართველოს ცენტრალური ხელისუფლების მიერ კონტროლირებად საჰაერო სივრცეში შემოიჭრა და ზუგდიდის რაიონის სოფ. შამგონასა და ხურჩაში განლაგებულ საქართველოს შინაგან საქმეთა სამინისტროს საგუშაგოებს გადაუფრინა.

აღნიშნულმა თვითმფრინავმა 12:45 საათზე კვლავ დაარღვია ცენტრალური ხელისუფლების მიერ კონტროლირებადი საჰაერო სივრცე და ზუგდიდისა და წალენჯიხის რაიონის სოფლებს, შამგონას, ხურჩას, რუხსა და ფახულანს გადაუფრინა.