თავდაცვის მინისიტრი იარაკლი ასლანია უკრაინაში მიმდინარე პროცესებს კიდევ ერთხელ ეხმიანება. როგორც მთავრობის სხდომის დასრულების შემდეგ ალასანიამ განაცხადა უკრაინაში მიმდინარე მოვლენებმა ცხადყო კიდევ ერთხელ თუ რამხელა გამოწვევის წინაშე დგას მსოფლიო, რეგიონი და მათ შორის საქართველო.
"უკრაინაში მიმდინარე მოვლენებმა ცხადყო კიდევ ერთხელ თუ რამხელა გამოწვევის წინაშე დგას მსოფლიო, ჩვენი რეგიონი და მათ შორის საქართველო. ყოვლად მიუღებელი და დაუშვებელია ის რაც რუსეთის ფედერაციის მიერაა ინსპირირებული აღმოსავლეთ უკრაინაში. ბუნებრივია, ჩვენ ვგმობთ ამას და სოლიდარობას და მხარდაჭერას ვუცხადებთ უკრაინის მთავრობას და უკრაინელ ხალხს. დარწმუნებული ვარ, რომ სიმართლე გაირკვევა და უკრაინაც დროთა განმავლობაში საერთაშორისო თანამეგობრობის დახმარებით ამ ძალიან რთული ვითარებიდან გამოვა და კრიზისი იქნება დაძლეული", - განაცხადა ალასანიამ.