საქმე ეხება "ქრისტიან-დემოკრატების," სახელმწიფო ბიუჯეტიდან გამოყოფილ დაფინანსებას, რომელიც ამ პარტიამ 2010 წლის ადგილობრივი თვიღმმართველობის არჩევნების შედეგების მიხედვით, როგორც მესამე ადგილზე გასულმა პარტიამ მოიპოვა.

აღნიშნულთან დაკავშირებით "დემოკრატიული მოძრაობა-ერთიანი საქართველოს" ლიდერმა ნინო ბურჯანაძემ განაცხადა.

"დასამალი არაფერი არ არის, რა თქმა უნდა, ამ ფაქტორს დიდი მნიშვნელობა ჰქონდა. მე არ ვაპირებ საზოგადოების მოტყუებას და იმის თქმას, რომ არა აქვს მნიშვნელობა, საეთერო დრო გვექნება თუ არა არჩევნების წინ. რათქმა უნდა ეს იყო ერთ-ერთი ფაქტორი ამ პოლიტიკურ ძალასთან მოლაპარაკების დროს, რომ ოპოზიციურმა ერთობამ შევძლოთ, გამოვიყენოთ ის დრო, რომლიც აქვთ „ქრისტიან-დემოკრატებს." ეს არის დაახლოებით 3 მილიონ ნახევარზე მეტი, თავისუფალი საეთერო დრო, ჩვენ ამას გამოვიყენებთ, რომ გაერთიანებული ოპოზიციის სლოგანი მოსახლეობამდე მივიტანოთ, ამავდროულად გვეყოლება დამკვირვებლები, რომლებიც დაფინანსდებიან სახელმწიფო ბიუჯეტიდან,"-აცხადებს ნინო ბურჯანაძე.

მისი განმარტებით, კოალიციის საბოლოო სახით შექმნამდე, "დემოკრატიული მოძრაობა" ერთი ქოლგის ქვეშ გაერთიანებას ყველას სთავზობდა, ,,ლეიბორისტული პარტიის" გარდა.

"ჩვენი ამოცანა არ იყო ვინმეს ვინმე გადაეყლაპა. სხვათა შორის, ოპოზიციას შევთავაზე, თუ თქვენ გეხამუშებათ, რომ ,,დემოკრატიული მოძრაობის" ქოლგის ქვეშ გაკეთდეს ასეთი გაერთიანება, ,,დემოკრატიულ მოძრაობას" პრობლემა არ აქვს, შევქმნათ ახალი, ერთიანი ორგანიზაცია, სადაც ჩვენ შემოვალთ, როგორც ერთ-ერთი სუბიექტი. მაგრამ ისინი ამ საკითხზე არ წამოვიდნენ. ჩვენი ამოცანა არის ან ერთობის შექმნა, ან პარტიის გადარჩენა, რადაც არ უნდა დაგიჯდეს და 300 ათასი ლარის მიღება ბიუჯეტიდან. ვისთვისაც მთავარი ამოცანა იყო პარტიის გადარჩენა, ბიუჯეტიდან თანხის აღება, ის ადამიანები ჩვენს წინადადებაზე არ წამოვიდნენ.