საქართველოს საგარეო საქმეთა მინისტრის პირველმა მოადგილემ დავით ზალკალიანმა საქართველოში სამუშაო ვიზიტით მყოფი ახალი ზელანდიის საგანგებო და სრულუფლებიანი ელჩი (რეზიდენციით ქ. ანკარა) ტაჰა მაკფერსონი მიიღო.
საგარეო უწყების ინფორმაციით, შეხვედრის დროს მხარეებმა განიხილეს ორ ქვეყანას შორის არსებული ორმხრივი და მრავალმხრივი ურთიერთობების მიმდინარე საკითხები და თანამშრომლობის განვითარების სამომავლო პერსპექტივები.
მინისტრის პირველმა მოადგილემ ხაზი გაუსვა ახალ ზელანდიასა და საქართველოს შორის არსებულ მეგობრულ და პარტნიორულ ურთიერთობებს. მხარეები შეთანხმდნენ, რომ ნაყოფიერი და მჭიდრო თანამშრომლობა მომავალშიც წარმატებით გაგრძელდება.
