ამ დროისთვის უცნობია, შეხვდება თუ არა შს მინისტრი ალექსანდრე ჭიკაიძე საპარლამენტო უმცირესობას, 17 აპრილს დაგეგმილ სხდომაზე.
ალექსანდრე ჭიკაიძისგან საინტერესო კითხვებზე პასუხის მიღება საპარლამენტო ოპოზიციის წევრებს უშუალოდ მინისტრისგან სურთ.
როგორც "ნაციონალურ მოძრაობაში" აცხადებენ, უმცირესობის სახელით შინაგან საქმეთა სამინისტროში შესაბამისი მიმართვა და კითხვები უკვე გაგზავნილია.
შს სამინისტროს ინფორმაციით, ალექსანდრე ჭიკაიძის საპარლამენტო ოპოზიციასთან შეხვედრის შესახებ გადაწყვეტილება მოგვიანებით გახდება ცნობილი.
საპარლამენტო უმცირესობამ შს მინისტრის სხდომაზე დაბარების გადაწყვეტილება მას შემდეგ მიიღო, რაც ალექსანდრე ჭიკაიძემ საგაზეთო ინტერვიუში განაცხადა, რომ ქვეყანაში მოსალოდნელია დესტაბილიზაცია და ამას "ნაციონალური მოძრაობა" გეგმავს.
