აღნიშნულის შესახებ, საპროცედურო საკითხთა საპარლამენტო კომიტეტის დღევანდელ სხდომაზე ითქვა, სადაც პარლამენტის წევრების პლენარულ და კომიტეტის სხდომებზე დასწრების შესახებ ანგარიშის შესახებ იმსჯელეს.

საპროცედურო საკითხთა კომიტეტმა ანგარიში ბიუროს დავალებით და პარლამენტის თავმჯდომარის ინიციატივით მოამზადა და მისი პერიოდი შარშანდელი 1 აგვისტოდან 2014 წლის 13 მარტამდე პერიოდს მოიცავს.

შემოწმდა დეპუტატების პლენარულ და საკომიტეტო სხდომებზე დასწრების სტატისტიკა და გაანალიზა გაცდენების მიზეზები, მათ შორის საპატიო გაცდენის მიზეზი.

როგორც კომიტეტის თავმჯდომარე გიორგი კახიანმა განაცხადა, საპატიო გაცდენებთან დაკავშირებით ყველაზე მაღალი მაჩვენებელია ოჯახური მდგომარეობის გამო გაცდენაა, რაც 61%-ს შეადგენს, 16%-ია გაცდენა მივლინების გამო, 9% - ავადმყოფობის გამო, 1% - შვებულების გამო, ხოლო 4% - პოლიტიკური შეხედულებების გამო. ასევე გამოიკვეთა გაცდენის რეგლამენტით გაუთვალისწინებელი შემთხვევები.

გაცდენების 80% დეპუტატების მხრიდან მითითებულია საპატიო მიზეზი.

კომიტეტის თავმჯდომარის თქმით, გამოიკვეთა ისეთი სურათი, როდესაც პარლამენტის წევრი მიუთითებს, რომ ის კომიტეტის სხდომას ვერ ესწრება ოჯახური მდგომარეობის გამო, მაგრამ იმავე დღეს, ის მონაწილეობას იღებს პლენარულ სხდომაში.