პარლამენტში სახალხო დამცველის წლიური ანგარიშის განხილვა დაიწყება.
უჩა ნანუაშვილის მიერ 2013 წელში გაწეული სამუშაოს ამსახველი სქელტანიანი დოკუმენტი პარლამენტში 2 აპრილს დარეგისტრირდა, პარლამენტის ბიუროს გადაწყვეტილების შემდეგ კი, იგი საპარალმენტო კომიტეტებს განსახილველად გადაეცათ.
როგორც "ჯი-ეიჩ-ენ"-ს პარლამენტის აპარატში განუცხადეს, სახალხო დამცველის ანგარიში უკვე დაურიგდათ საპარლამენტო კომიტეტებს, რომელთა შორის პირველი განხილვა ადამიანის უფლებათა დაცვის კომიტეტში გაიმართება.
600 გვერდიანი დოკუმენტი ასახავს ადამიანის უფლებების მდგომარეობას დახურულ და სასჯელაღსრულების დაწესებულებებში, ადამიანის უფლებების მდგომარეობას შს-ს დაქვემდებარებაში არსებულ ორგანოებში,ბავშვთა უფლებრივ მდგომარეობას მცირე საოჯახო ტიპის სახლებში, არანებაყოფლობითი ფსიქიატრიული მკურნალობის დაწესებულებასა და დროებითი
მოთავსების იზოლატორებში.
სახალხო დამცველის ანგარიშში ასევე საუბარია ლტოლვილთა, ჰუმანიტარული სტატუსის მქონე პირთა და თავშესაფრის მაძიებელთა უფლებრივ მდგომარეობაზე,
ყოფილი სსრკ-ის მიერ XX საუკუნის 40-იან წლებში საქართველოს სსრ-დან იძულებით გადასახლებულ პირთა რეპატრიაციაზე, უმცირესობების უფლებებზე, საქართველოში დევნილთა და კონფლიქტით დაზარალებულ პირთა უფლებრივ მდგომარეობაზე,
პარლამენტის რეგლამენტის თანახმად, საკომიტეტო მოსმენების შემდეგ სახალხო დამცველის წლიური ანგარიში განსახილველად საგაზაფხულო სესიის
პლენარულ სხდომაზე უნდა გავიდეს.
პარლამენტი სახალხო დამცველის წლიურ ანგარიშს სპეციალური დადგენილებით ამტკიცებს.
