ევროსაბჭოს საპარლამენტო ასამბლეის სხდომაზე სიტყვით გამოსვლისას ქართული დელეგაციის წევრმა ლევან ბერძენიშვილმა ასამბლეას მოუწოდა, მხარი დაუჭიროს ევროსაბჭოს საპარლამენტო ასამბლეიდან რუსეთის დელეგაციის გარიცხვის საკითხს.
„აქ ისმოდა მოწოდებები, რომ ჩვენ უნდა ვასწავლოთ ჩვენს რუს კოლეგებს, რომ მათ პატივი სცენ ჩვენს საერთო დემოკრატიულ ფასეულობებს. სწავლის პროცეში ორი მხარეა, უნდა არსებობდეს მოსწავლე და მასწავლებელი. აქ ჩვენ ვხედავთ, რომ ე.წ. მოსწავლეებს ან რუსული დელეგაციის წევრებს სწავლა არ უნდათ, მათ დატოვეს ეს სხდომა და ზურგშექცევით დადგნენ ჩვეთან",_ განაცხადა ბერძენიშნიშვილმა და აღნიშნა, რომ საქართველოზე კარგად ვინმემ როდი იცის თუ რას ნიშნავს მეზობლობა რუსეთის ფედერაციასთან.
ბერძენიშნიშვილმა ევროსაბჭოს საპარლამენტო ასამბლეა გააფრთხილა, რომ წაყრუების შემთხვევაში რუსეთი წინ წავა და მან შეიძლება საქართველოს ერთ-ერთ მის მიერ ოკუპირებულ ცხინვალის რეგიონში კიდევ ერთი ე.წ. სამართლიანი რეფერენდუმი ჩაატაროს და ე.წ. სამხრეთ ოსეთი ჩრდილოეთ ოსეთ მიუერთოს და ამით რუსეთის ფედერაციის შემადგენლობაში შეიყვანოს.
მასალის გამოყენების პირობები
