საქართველოს ტექნიკურ უნივერსიტეტში გაიმართა შეხვედრა კატარის უნივერსიტეტის დელეგაციასთან. კატარის უნივერსიტეტს წარმოადგენდნენ უნივერსიტეტის პრეზიდენტი შეიხა აბდალა ალ-მისნედი, კატარის უნივერსიტეტის სოციალური და ეკონომიკური კვლევების ინსტიტუტის დირექტორი, დოქტორი დარვიშ ალ ემადი და კატარის უნივერსიტეტის ვიცე-პრეზიდენტი აკადემიურ სფეროში, უნივერსიტეტის ფონდის დირექტორი, დოქტორი ხალიდ ალ-ალი.
სტუმრებს შეხვდნენ ტექნიკური უნივერსიტეტის რექტორი არჩილ ფრანგიშვილი და სტუ-ის ადმინისტრაციის წარმომადგენლები. საუბარი შეეხო უნივერსიტეტებს შორის მომავალი ურთიერთთანამშრომლობის საკითხებს.
