პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის და რუსეთის საგარეო საქმეთა მინისტრის მოადგილის გრიგორი კარასინის მორიგი შეხვედრა, სავარაუდოდ, მომავალ კვირაში გაიმართება. ამის შესახებ, ჟურნალისტებს მთავრობის სხდომის დაწყებამდე აბაშიემ განაცხადა.
"ჩვენ რუსეთთან დიპლომატიური ურთიერთობები არ გვაქვს, ამიტომ ამ ორმხრივი, არაფორმალური დიალოგის ფარგლებში განვიხილავთ ბევრ კონკრეტულ, პრაქტიკულ საკითხს. ასეთი საკითხი მრავლად დაგროვდა და იმედი გვაქვს, რომ შეხვედრაზე ისინი შეძლებისდაგვარად მოგვარდება", - განაცხადა აბაშიძემ.
მისივე თქმით, შეხვედრაზე ძირითადი განსახილველი საკითხები ეკონომინიკური, სავაჭრო და ჰუმანიტარული თემები იქნება.
შეგახსენებთ, რომ კარასინისა და აბაშიძის შეხვედრა უკვე ორჯერ გადაიდო.
