საგარეო საქმეთა სამინისტრო წუხილს გამოთქვამს 9 აპრილის ღამეს, რუსთაველის გამზირზე, 9 აპრილის მემორიალთან მომხდარი ინციდენტის გამო, რომლის დროსაც სლოვაკეთის რესპუბლიკის ვიცე-პრემიერისა და მისი თანმხლები დელეგაციის მიერ მემორიალთან განთავსებულ გვირგვინს მოხსნეს სლოვაკეთის რესპუბლიკის ფერებში გაწყობილი ლენტი.
საგარეო საქმეთა სამინისტრო გმობს აღნიშნულ ფაქტს და იმედს გამოთქვამს, რომ ის ჩადენილ იქნა გაუთვითცნობიერებლად.
საქართველოს საგარეო საქმეთა სამინისტრო კიდევ ერთხელ გამოხატავს მადლიერებას სლოვაკეთის რესპუბლიკის ოფიციალური დელეგაციის და სლოვაკეთის რესპუბლიკის საელჩოს მიმართ, 9 აპრილის მემორიალის გვირგვინით შემკობისა და 9 აპრილს დაღუპულთა ხსოვნის პატივისცემის გამო.
შეგახსენებთ, რომ წუხელ რუსთაველის გამზირზე შეკრებილთა გაღიზიანება იმ თაიგულმა გამოიწვია, რომლის არშიაც რუსული დროშის ფერებში იყო გადაწყვეტილი. მემორიალთან შეკრებილებმა არშია ჯერ ფეხით გათელეს, შემდეგ კი ცეცხლი წაუკიდეს და დაწვეს.
