განათლების მინისტრ თამარ სანიკიძესაა და #53-ე საჯარო სკოლის პედაგოგებს შორის შეხვედრა უშედეგოდ დასრულდა.
პედაგოგების განცხადებით, მინისტრი შეცდომაში შეჰყავთ შეყვანილი, თუმცა თამარ სანიკიძისგან მიიღეს დაპირება, რომ შექმნილ ვითარებაში გაერკვევა.
მათივე თქმით, თუ არ მოხდება მათი მოთხოვნების დაკმაყოფილება, განათლების მინისტრის მუშაობის შესწავლის მოთხოვნით პრემიერ-მინისტრს მიმართავენ.
შეგახსენებთ, რომ განათლებისა და მეცნიერების სამინისტროსთან საპროტესტო აქცია გაიმართა. #53 საჯარო სკოლის მოსწავლეები და მასწავლებლები ამავე სკოლის უკვე ყოფილი დირექტორის მარიამ რამინაშვილი თანამდებობაზე აღდგენას ითხოვენ.
განათლების სამინიტროში თავად მარიამ რამინაშვილიც იმყოფებოდა, რომელმაც განცხადებით მიმართა თამარ სანიკიძის უწყებას და მინისტრის ბრძანების გაუქმება მოითხოვა.
პედაგოგების ინფორმაციით, სკოლის დირექტორის მოვალეობის შემსრულებლად ეკა გახარია დაინიშნა, რომელსაც სკოლასთან არანაირი შეხება არ ჰქონია.
მათივე თქმით, სასწავლო პროცესი მათი მოთხოვნის დაუკმაყოფილებლობამდე არ აღდგება.