კოალიცია ,,ქართული ოცნების" დეპუტატები ეკა ბესელია და გუგული მაღრაძე სოციალური ქსელით გავრცელებულ ინფორმაციას, რომლის მიხედვით, დეპუტატებმა სტრასბურგში რუსეთის წინააღმდეგ მოსალოდნელ სანქციას მხარი არ დაუჭირეს დეზინფორმაციად აფასებენ.
საუბარია იმ რეზოლუციის პროექტზე, რომელიც ევროსაბჭოში რუსული დელეგაციისთვის ხმის უფლების ჩამორთმევას ითვალისწინებს.
ბესელია და მაღრაძე აცხადებენ, რომ გავრცელებული ინფორმაცია სიმართლეს არ შეესაბამება, რადგან საქართველოს დელეგაცია რეზოლუციის პროექტს მთელი შემადგენლობით უერთდება.
სოციალურ ქსელში გავრცელებული ინფორმაციის გამო ეკა ბესელიამ ,,ნაცმოძრაობის" წევრს გიორგი კანდელაკისგან ახსნა-განმარტება მოითხოვა. დეპუტატებს შორის სიტყვიერი დაპირისპირებაც მოხდა.
,, საქართველოს დელეგაციის ყველა წევრი ჩემი ჩათვლით ერთიანია და ვადასტურებთ ხელმოწერით. არ ვაპირებთ ვიცხოვრო იმ ადამიანების დღის წესრიგით, რომელებიც ასეთ კომიკურ ინფორმაციებს ავრცელებენ", _განაცხადა ბესელიამ.
