განათლებისა და მეცნიერების სამინისტროსთან საპროტესტო აქცია მიმდინარეობს. #53 საჯარო სკოლის მოსწავლეები და მასწავლებლები ამავე სკოლის უკვე ყოფილი დირექტორის მარიამ რამინაშვილი თანამდებობაზე აღდგენას ითხოვენ.
განათლების სამინიტროსთან თავად მარიამ რამინაშვილიც მივიდა და თამარ სანიკიძის უწყებაში განცხადება შეიტანა და განათლების მინისტრის ბრძანების გაუქმება მოითხოვა.
პედაგოგების ინფორმაციით, სკოლის დირექტორის მოვალეობის შემსრულებლად ეკა გახარია დაინიშნა, რომელსაც სკოლასთან არანაირი შეხება არ ჰქონია.
მათივე თქმით, სასწავლო პროცესი მათი მოთხოვნის დაუკმაყოფილებლობამდე არ აღდგება.
